बरा तुझा आधार भेटला

तुझ्या आसवांना जरा
तू ढळु दे गं आता
वाट नेहमीची तुझी
थोडी वळु दे गं आता

तुझ्या डोळयात गं माया
तुझ्या शब्दात गं छाया
तुझे सोबत गं असणे
होई दु:ख विसराया

वाटेचेही माझ्या
या चुकुन चुकणे
अंधार दाटतो अन
तुझे तार्‍यासम लुकलुकणे

अंधार गं पुन्हा
बघं दाटला दाटला
पुन्हा कधी गं वाटेल,
" बरा तुझा आधार भेटला "
--शब्द्सखा

Happy Birthday Shraddha!

प्रत्येक शब्दाने तुझ्या
मैफ़लीचे गीत व्हावे
सूर तुझ्या मैफ़लीचे
दूर दूर जावे

तुजपुढे ठेंगणे व्हावे
त्या उंच अंबराने
साथ तुझी द्यावी
यशाच्या प्रत्येक शिखराने

बागडावे तू
नभी उंच उडावे तू
बनुन मोती सुंदरसा
शिंपल्यात पडावे तू

प्रत्येक क्षणाला
पडावी तुझी भुल
खुलावेस तू सदा
बनुन हसरेसे फ़ुल

तुझ्या मैत्रीचा गाव

शेवटचं बोलणं कधि शेवटचं असावं असं वाटतं का गं?
कितीही पुसले डोळे तरी डोळ्यातलं पाणी कधि आटतं कागं?

हुंदका गळ्यात अडकलेला ...मलाच मी हसवावं कसं?
आयुष्यच फ़सलं...मला मी फ़सवावं कसं?

आपल्या मैत्रीचं फ़ुल कोमेजलं ऐन सकाळी
आता सांभाळतो त्या फ़ुलाची प्रत्येक पाकळी

मी अभागी...अभागीच राहणार आहे
आयुष्याचा हा खेळ असाच पाहणार आहे

तुझ्या मैत्रीचा गाव थोडा भावला होता
तुझ्या गावातच देव थोडाफ़ार पावला होता