तुझ्या मैत्रीचा गाव

शेवटचं बोलणं कधि शेवटचं असावं असं वाटतं का गं?
कितीही पुसले डोळे तरी डोळ्यातलं पाणी कधि आटतं कागं?

हुंदका गळ्यात अडकलेला ...मलाच मी हसवावं कसं?
आयुष्यच फ़सलं...मला मी फ़सवावं कसं?

आपल्या मैत्रीचं फ़ुल कोमेजलं ऐन सकाळी
आता सांभाळतो त्या फ़ुलाची प्रत्येक पाकळी

मी अभागी...अभागीच राहणार आहे
आयुष्याचा हा खेळ असाच पाहणार आहे

तुझ्या मैत्रीचा गाव थोडा भावला होता
तुझ्या गावातच देव थोडाफ़ार पावला होता